ᤕᤠᤰᤌᤢᤱ ᤛᤠᤰᤌᤡᤶ ᤜᤧᤖᤡᤋᤧᤆ ᤕᤢᤁᤣᤖᤣ ᤋᤠᤱᤃᤠᤶᤀᤠᤥ ᥇᥏ /᥈/᥈᥆᥈᥌ ᤁᤢᤖᤢᤵᤐᤠ ᤕᤧᤴᤗᤧ ᤕᤠᤶᤔᤠ ᤛᤠᤵᤔᤢᤴᤎᤢᤶ ᤏᤢ ᤔᤢᤴᤎᤢᤶ ᤛᤠᤒᤠ ᤋᤢᤋᤢ ᤋᤢᤶᤕᤠᤜᤠᤱ ᤕᤧᤜᤠᤱ ᤗᤠᤘᤋᤡ ᤏᤢ ᤏᤠᤍᤢᤶ ᤐᤥᤰᤛᤣᤀᤠᤱᤘᤠ I
ᤋᤢᤋᤢ ᤕᤧᤜᤠᤱ ᤗᤠᤘᤋᤡᤖᤣ ᤋᤢᤶᤋᤖᤣᤀᤠᤥ ᤐᤥᤂᤧᤒᤠ ᤂᤧᤴ ᤌᤡᤶᤒᤣᤀᤠᤥ ᤀᤠᤙᤑᤥᤳ ᤋᤧᤴᤀᤥ ᤁᤣᤕᤢᤱᤒᤠ ᤕᤠᤰᤌᤢᤱ ᤋᤣᤴᤇᤠᤜᤠ᤹ᤖᤧ ᤘᤈᤡᤱᤃᤧᤴ ᤗᤠᤱᤎᤥᤀᤠᤥ ᤌᤡᤶᤒᤣ ᤀᤡᤈᤠᤰ ᤐᤥᤰᤛᤣᤀᤠᤱ ᤘᤀᤣ I
ᤕᤠᤰᤌᤢᤱᤖᤧᤴ ᤛᤠᤵᤔᤢᤴᤎᤢᤶ ᤏᤢ ᤔᤢᤴᤎᤢᤶᤛᤠᤒᤠ ᤀᤡᤔᤠᤴᤛᤡᤱ ᤆᤧᤶᤈᤥᤱᤖᤣ ᤕᤠᤰᤌᤢᤱ ᤗᤡᤶᤒᤢᤘᤠᤴ ᤗᤠᤈᤣ ᤂᤠᤶᤄᤢᤖᤣ ᤋᤧᤴᤃᤶᤀᤥ ᤂᤢᤏᤣ ᤀᤠᤥᤃᤠᤵ ᤆᤥᤃᤢᤒᤠ ᤁᤢᤔᤧᤴᤗᤢᤱᤒᤠ ᤐᤠᤴᤜᤠᤷ ᤋᤢᤋᤢ ᤗᤠᤘᤋᤡ ᤕᤢᤰᤛᤢᤀᤠᤱ ᤘᤀᤣ I ᤂᤧᤴᤏᤢ ᤛᤥᤖᤡᤰ ᤕᤠᤰᤌᤢᤱᤜᤷᤖᤧ ᤀᤠᤴᤇᤥᤏ᤻
ᤌᤠᤰᤕᤢᤌᤡᤶᤔᤠᤅ᤻ᤌᤣ ᤀᤥᤃᤠᤵ ᤔᤣᤆᤥᤃᤢᤖ ᤔᤣᤕᤢᤖᤢᤒᤠ ᤔᤢᤴᤎᤢᤶ ᤂᤠᤆᤥᤱ ᤏᤢ
ᤕᤠᤰᤌᤢᤱ ᤕᤰ, ᤔᤠᤱᤃᤧᤏᤠ,ᤋᤱᤛᤡᤱ, ᤕᤠᤰᤌᤢᤱ ᤐᤠᤴ,ᤐᤠᤴᤇᤣᤘᤠ ᤏᤢ ᤕᤧᤳᤇᤠᤶ ᤌᤡᤶ
ᤌᤡᤒᤥᤱ ᤕᤠᤰᤌᤢᤱᤜᤠᤱ ᤜᤠᤖᤣ ᤐᤠᤴᤍᤠᤀᤥ ᤐᤏᤢᤏᤢᤖᤡᤰ ᤐᤠᤴᤕᤢᤰᤛᤢ ᤀᤠᤱᤘᤀᤣ I
ᤕᤠᤰᤌᤢᤱ ᤛᤛᤡᤃᤣᤴ ᤔᤢᤴᤎᤢᤶ ᤏᤢ ᤜᤠᤒᤣᤰᤜᤠᤖᤣ ᤁᤢᤒᤣᤀᤥ ᤐᤠᤴᤎᤱ ᤐᤥᤰᤛᤣ
ᤂᤧᤴ ᤐᤠᤴᤎᤱᤀᤥ ᤘᤈᤡᤃᤧᤴ ᤗᤠᤱᤎᤥ ᤁᤣᤍᤠᤒᤠ ᤁᤧᤖᤧᤰᤗᤣ ᤛᤣᤴᤍᤥ ᤔᤣᤈᤥᤃᤢ ᤀᤠᤱ
ᤘᤀᤣ I ᤂᤧᤴ ᤁᤧᤖᤧᤰ ᤛᤣᤴᤍᤥᤖᤣ ᤀᤠᤃᤠᤵ ᤋᤢᤋᤢ ᤗᤠᤘᤋᤡᤖᤧ ᤕᤢᤰᤛᤢ ᤀᤠᤱ ᤘᤀᤣ I
ᤋᤢᤋᤢ ᤗᤠᤘᤋᤡ ᤏᤣᤐᤠᤗ ᤗᤡᤶᤒᤢᤘᤠᤴ ᤗᤠᤈᤣᤀᤠ ᤏᤢ ᤁᤴ ᤕᤢᤁᤣ ᤗᤠᤈᤣᤀᤠᤥ ᥌ ᤗᤠ ᤌᤠᤖᤡᤰ ᤀᤡᤛᤣ ᤕᤢᤱᤛᤣ ᤑᤣᤖᤣᤒᤠᤖᤥ I ᤁᤴ ᤕᤧᤴᤗᤣ ᤛᤢᤕᤣᤶᤀᤥ ᤕᤢᤁᤣ ᤗᤠᤈᤣ ᤁᤣᤕᤢᤱᤒᤠ ᤁᤧᤖᤧᤰ ᤕᤠᤰᤕᤢᤱ ᤋᤢᤶᤕᤠᤜᤠᤱᤛᤠ ᤏᤢ ᤏᤡᤛᤢᤶ ᤏᤢ ᤏᤠᤍᤱ ᤐᤥᤱᤗᤘᤠ I
ᤌᤥᤛᤢᤍᤡᤒᤠ ᤃᤏᤣᤛ ᤀᤡᤈᤶᤖᤣ ᤋᤱᤃᤠᤶᤀᤥ ᤁᤣᤒᤥᤱᤒᤠ ᤌᤡᤶᤒᤣᤀᤥ ᤐᤖᤡᤰᤐᤖᤡᤰᤐᤠ ᤛᤱᤈᤢᤶ ᤏᤢ ᤕᤰᤆᤢᤶᤀᤥ ᤕᤠᤒᤰ ᤁᤣᤈᤥᤰᤐᤠ ᤋᤢᤋᤢ ᤋᤢᤶᤕᤠᤜᤠᤱ ᤜᤠᤷᤖᤣᤴ ᤘᤈᤡᤖᤧᤴᤀᤥ ᤁᤢᤏᤢᤵ ᤐᤥᤂᤣᤀᤠᤱ ᤘᤀᤣ ᤃᤖ ᤌᤡᤶᤒᤥ ᤗᤠᤜᤠᤱ ᤆᤣᤶᤈᤱᤖᤧ ᤀᤡᤈᤠᤰ ᤆᤥᤃᤢᤀᤠᤱ ᤘᤀᤣ II
