ᤐᤠᤗᤠᤶ

ᤁᤧᤛᤠᤵᤐᤠ ᤍᤶᤖ ᤛᤡᤱᤃᤰ I

ᤐᤠᤗᤠᤶ I

ᤛᤡᤛᤠ ᤔᤧᤴᤇᤡᤴ I

। ᤋᤢᤋᤢ ᤃᤧᤴᤃᤖ ᤋᤢᤶᤕᤠᤜᤠᤱ ᤛᤠᤀᤣ
ᤗᤢᤱᤔᤠᤏᤡ ᤜᤡᤶ ᤀᤠᤍᤠᤱᤀᤣ

।ᤐᤧᤕᤣᤶᤒᤠ ᤕᤧᤴᤜᤠ᤺ ᤏᤡᤱᤘᤠᤛᤢᤶᤋᤠ ।
ᤂᤧᤵᤛᤣᤀᤠᤥ ᤆᤧᤰᤏᤣ ᤋᤢᤂᤣ ᤐᤠᤴᤘᤠ

। ᤔᤡᤶᤈᤡᤖᤣ ᤑᤢᤱ ᤜ᤺ᤠᤷ ᤁᤧᤒᤡᤀᤠᤛᤠᤱ
ᤏᤥ ᤔᤧᤴᤇᤩ ᤀᤠᤶᤒᤡ ᤁᤣᤏᤡᤀᤠ ᤛᤠᤱ

ᤀᤡᤱᤃᤠ ᤏᤢ ᤋᤃᤡ ᤁᤧᤎᤠᤛᤡᤱᤛᤠᤱ
ᤜᤡᤶ ᤛᤠᤒᤧᤴ ᤀᤢᤴᤇᤥᤴ ᤔᤠᤛᤡᤱᤐᤧᤛᤠᤱ

ᤆᤢᤱᤈᤡᤃᤧᤴ ᤀ᤺ᤣᤇᤠ ᤛᤠ ᤀᤠᤏᤡ ᤔᤣᤶᤒᤡ
ᤋᤢᤶᤔᤠ ᤔᤧᤴᤍᤢᤶᤔᤠ ᤋᤢᤂᤣ ᤆᤠᤀᤠ ᤏᤡ ᤔᤣᤶᤒᤡ

ᤂᤧᤴᤋᤢᤂᤣ ᤀᤡᤱᤃᤠ ᤕᤧᤴᤌᤰᤔᤠ ᤀᤡᤋᤢᤱ
ᤁᤧᤏᤡᤱᤘᤠ ᤁᤧᤖᤧᤰ ᤁᤢᤛᤡᤱ ᤏᤡᤋᤢᤱ

ᤐᤢᤖᤣᤒᤠ ᤂᤡᤒᤥ ᤔᤧᤈᤰᤁᤠᤀᤡᤴ
ᤁᤧᤀᤡᤋᤢᤒᤠ ᤏᤡᤱᤘᤠ ᤔᤧᤃᤳᤋᤠᤀᤡᤴ

ᤀᤠᤍᤠᤱᤒᤥ ᤏᤡᤱᤘᤠᤀᤥ ᤁᤣᤘᤠᤖᤥ I
ᤐᤧᤗᤡ ᤑᤠ᤺ᤰᤁᤡ ᤈᤢᤖᤧᤒᤠᤖᤥ I

ᤌᤠᤱᤒᤣᤴ I

ᤕᤠᤰᤗᤠᤃᤧᤴᤃᤷ ᤛᤢᤜᤠᤱᤔᤠᤀᤣ
ᤗᤢᤱᤔᤠ ᤜᤡᤵᤛᤣ ᤀᤠᤍᤠᤱᤔᤠᤀᤣ

ᤁᤧᤐᤠᤴᤜᤠ ᤀᤡᤱᤃᤠ ᤂᤧᤵᤛᤢᤱ ᤌᤠᤰᤋᤢᤱ
ᤁᤧᤋᤢᤰᤂᤣ ᤂᤣᤵᤛᤢᤱ ᤏᤡᤱᤘᤠ ᤕᤠᤰᤋᤢᤱ

ᤀᤠᤍᤠᤱᤔᤣ ᤛᤣᤰᤂᤠ ᤀᤠᤕᤥᤶ ᤐᤢᤖᤣ
ᤔᤧᤶᤒᤥᤱᤔᤠ ᤕᤠ᤺ᤶᤒᤰ ᤐᤥᤰᤛᤣ ᤆᤢᤖᤣ

ᤋᤠᤑᤣᤶᤒᤠ ᤐᤠᤴᤜᤠ᤺ ᤔᤧᤶᤒᤠᤋᤧᤀᤠ
ᤁᤧᤏᤡᤱᤘᤠ ᤋᤢᤰᤂᤣ ᤔᤧᤴᤈᤠᤋᤧᤀᤠ

ᤏᤠ ᤁᤏᤠ ᤁᤧᤏᤡᤱᤘᤠ ᤔᤧᤴᤒᤣᤰᤏᤠᤒᤠ
ᤔᤡᤴᤈᤡᤖᤣ ᤋᤢᤂᤣ ᤔᤧᤴᤎᤣᤰᤏᤠᤒᤠ

ᤏᤢᤖᤡᤰ ᤁᤢᤛᤡᤱ ᤏᤡᤋᤣ ᤀᤠᤱ
ᤁᤣᤔᤠᤒᤠ᤺ ᤜᤡᤱᤔ᤻ᤴ ᤀᤡᤋᤣᤀᤠᤱ

ᤔᤧᤴᤈᤥᤏᤣ ᤑᤢᤱᤘᤠ ᤋᤰᤛᤢ᤺ᤋᤧᤛᤢ
ᤔᤡᤶᤈᤡᤖᤧ ᤂᤡᤒᤣ ᤆᤰᤛᤢ ᤋᤣᤛᤢ
ᤀᤡᤋᤢᤱᤒᤠ ᤂᤧᤵᤛᤣ ᤜᤧᤰᤁᤧᤘᤠᤖᤥ
ᤁᤶᤓᤪᤠᤰ ᤋᤠᤈᤣᤱ ᤆᤢᤖᤣᤒᤠᤖᤥ